 |
| ChatGPT شات جي بي تي |
ChatGPT : المدارس فالولايات المتحده حجبت استخدام شات جي بي تي | محرك البحث الجديد اللي قدراته تفوق توقعات البشر
والبعض على طول استغله وبدا يحقق مدخول
شهري باستخدام قدراته الخارقة.
هل هذي بداية نهوض الاله ومحو البشرية
مثل مانشوف فالافلام؟
ChatGPT شات جي بي تي
من زمان نسمع عن الذكاء الاصطناعي بس كان
مجرد دعاية لتسويق المنتجات وقدراته سطحية.
بس في ٢٠١٥ العبقري الون مسك الرئيس
التنفيذي لتسلا وسبيس اكس مع سام الت مان وغيرهم انشئوا شركة اوبن ايه اي
لتحسين الذكاء الاصطناعي
وفي ٢٠١٩ تم اطلاق منصة شات جي بي تي 1 , ولكن
في نوفمبر ٢٠٢٢ تم اطلاق النسخه المطوره للعامه
وفي اول خمس ايام بس
حطمت الرقم القياسي في عدد الاشخاص
المسجله بمليون مشترك
اللي يميزها انها تقدر تصنع معلومات مش
بس تجيبها وترتبها.
مثل العنصر البشري لما تكون طفل تجمع
معلومات وتجارب ولما تكبر تقدر تكتب رسائل شعر ترسم تسوق تقرر.
فالمنصة هذي اعطوها معظم المعلومات فالانترنت
وعلموها كيف تستخدمها وتفيد الناس فيها
وكيف تصنع منها القصص مثل قصتي والشعر
والاحاسيس والمشاعر.
فالقصة هذي علشان يكتبها، قلتله اكتبلي
قصه عن سالم صانع المحتوى وولده راكان اللي عمره خمس اللي يحب سيارات وسونيك
ولو غيرت شوي فالتفاصيل راح تطلع قصه
ثانية مختلفه ولو بغيتها قصه حزينه بس اكتب فالمعطيات وبتتغير القصه بالكامل
فالمدارس حظروا الوصول للمنصه لانه تحل
المسائل المعقده ولاول مره حتى لو ما كان الحل موجود فالنت
او انه المسألة تجمع عدة قوانين مختلفة.
هالمنصة راح تحلها تشرحلك حلها في ثواني معدوده.
وهنا جاء خوف شركة جوجل وفعلت حاله
التأهب.
لانه هالمنصة راح تقضي على محرك البحث
جوجل
والاسواء صار
دمج منصة شات جي بي تي مع محرك البحث بينج
تعاقدت مايكروسوفت مع اوبن ايه اي لدمج
منصة شات جي بي تي ChatGPT مع محرك البحث بينج
من غير انه هذا المحرك بيدعم انشاء الصور
بالذكاء الاصطناعي.
يعني اكتب مثلا رجل قمر حزين وبتنرسم
صوره في ثواني للشيئ اللي تبحث عنه
وهذا لاول مره راح ينقل المستخدمين لمحرك
البحث بينج بعد ما خسر الحرب محركات البحث مع جوجل فالسنوات الماضية
ولكن الاهم من كل هذا، اذا اصبح الذكاء
الاصطناعي بهذا الدهاء، فليش الشركات مش خايفه انه مثل المنصات تعصي الاوامر وتمسك
بزمام الامور؟ خاصه انه الون مسك قاعد يبني الاف الروبوتات للمصانع ك مرحله اولى،
فهل هذي بداية نهاية البشرية؟
ولا الافلام مآثره فينا والامور بعيده كل
البعد عن سيطرة الالات لهذا العالم ؟
راح اقولكم شغلتين واتوقع تتفقوا معي
برمجة هذي المنصات تتم بطريقة تحكمها من
الخروج عن المسار. يعني في عقلها المبرمج ما في شيئ اسمه انا راح اعصي امر
وبسوي اللي فراسي. او اني راح اهجم على
الناس.
ولكن
بعد نضوج هالتقنية راح نشوف جيوش العالم
تستخدمها وتبرمجها للقتل والتدمير.
والاسواء انه كل هالسنوات قاعدين نشوف
انه البرمجه فيها عيوب كثيره
وكل شهر نستلم تحديثات لتصحيح الاخطاء
فحجم البرمجه الكبير لهذي الات يفوق قدرة
البشر في استيعابها
من غير انه البرمجيات الخبيثه والهاكر لو
وصلوها راح يستغلوها في امور الله يسلمنا منها.
انا مهندس الكترونيات واتصالات ومبرمج.
اعرف حرفيا كيف تتم برمجة الات من الساعة وحتى الروبوتات
واقولكم من الطبيعي جدا بعد ٢٠ الي ٥٠
سنه نشوف اخطاء كارثية لهذي التكنلوجيا الجميله.
وفي نفس الوقت متحمس اشوف فوائدها
الخرافية
وبالمناسبه هجنت سيري فالايفون وصار
داخلها شات جي بي تي!
مميزات ChatGPT شات جي بي تي
وهذي ابرز المميزات اللي بتشوفوها
فحياتكم خلال السنوات القليله القادمة بسبب تقدم هذي التقنيات.
البحث السريع، مثلا لو بغيت تزور جزيرة
بوكيت في تايلاند وكتبت افضل وقت لزيارة الجزيرة
في محركات البحث الحالية بيطلعلك اعلانات
ومواقع فيها مقالات طويله مع اعلانات داخلها وفيها المعلومه
التقنية هذي راح تجيبلك الاجابه في سطرين
وبشكل مباشر وبعيدا عن ضوضاء الاعلانات
الرد الالي، اكره شي فالرد الالي انه
محدود وابدا مش مفيد. مع هالتقنية ماراح تحتاج الي موظف يرد عليك
هالتقنيه بتحل مشاكلك عالطاير.
التحول الكبير في المساعد الشخصي سيري
جوجل والكس
تنظيم حياتك وجدولك والحوار بيكون متصل
وقريب للواقع، حتى مع الاسئلة المعقدة
واللي عاده تحتاج دكاتره وبرفيسورات
علشان يجاوبوه.
تعليقات
إرسال تعليق