تنزيل لعبة ببجي موبايل PUBG MOBILE على الكمبيوتر او اللاب توب مجانا

كيف تحفظ كلمات اللغة الإنجليزية بلمح البصر مهما كان مستواك

كيف تحفظ كلمات اللغة الانجليزيه بلمح البصر مهما كان مستواك سؤال يراود الكثيرين، وكثير من الناس يبحثون عن أفضل طريق تعلم اللغة الإنجليزية وأسرع طرق لحفظ الكلمات.

تخيل لو انا جبتك على مدينة جديدة وحكيتلك قبل ما تنزل من البيت تعال اقعد هاي المدينة فيها أكثر من (100000) شخص سكان المدينة وبلشت اورجيك صورهم هذا ديفيد وهذا جون وهذا لطفي وهذا أحمد ..بدي أحففظك جميع الأسماء والوجوه قبل ما تنزل على الشارع , هذا الكلام غير منطقي !!!

أهلا وسهلا فيكم أصدقائي في مقالة جديدة وفيها راح نتعلم بأفضل وأقوى طريقة لحفظ كلمات اللغة الإنجليزية أو كلمات أي لغة جديدة إنت حاب تتعلمها , إحنا مشكلتنا الأساسية في تعلم أي لغة هي الكلمات مش قادرين نحفظ الكلمات , فما هي النصائح أو ما هي الطريقة المثلى لحفظ كلمات اللغة الإنجلزية ولذلك قررت أعمل هذه المقالة.

طريقة حفظ كلمات اللغة الإنجليزية بلمح البصر

قبل ما أحكيلكم شو هي الطريقة , في البداية يجب أن نتفق أنه تعلم اللغة وحفظ الكلمات هي وسيلة وليست هدف , يعني أنا مش هدفي أحفظ الكلمات وأجيب القواميس يعني لا يعقل إني أحفظ القاموس حتى استخدم اللغة صح يعني حفظ الكلمات هو وسيلة , إحنا هدفنا من حفظ الكلمات أنه نتحادث باللغة بشكل أفضل ويعرفوا يستخدموا اللغة بشكل أفضل ويفهموا الأشياء الي بقرأؤوها ويقدروا يعبروا عن أفكارهم , إلا إذا إنت هدفك تحفظ القاموس مش غلط أنا بشجعك ولكن إذا إنت هدفك تتعلم اللغة من أجل التطور ومن أجل إنك تدرس فيها وتتعلم فيها أو تتخصص في مجالك وتثقف في مجالك فاللغة هي وسيلة وليست غاية , مهم جداً هذا التفريق في البداية لانه إذا إنت عندك اللغة هي الهدف فالموضوع مختلف تماماً.

طالما اتفقنا انه اللغة هي وسيلة وليست غاية , بدي أطلب منك تتخيل اللغة الجديدة مثل مدينة جديدة , إنت رحت على مدينة جديدة ما بتعرف فيها ولا حدا , فبتنزل على الشارع أول يوم بتخرج من بيتك وتنزل على الشارع وبتلاقي مئات مئات من الأشخاص والوجوه الغريبة ولا بتعرف فيهم ولا حدا , هل تصاب بالذعر ؟ لانه إنت ما بتعرف ولا حدا ويمكن ترجع تهرب على بيتك .. لأ عادي عادي وضع طبيعي , إنت داخل مدينة جديدة ومن الطبيعي إنك ما بتعرف فيها ولأ حدا , ممكن أول يوم أنزل أتمشى شوي حويلين البناية أو البيت الي أنا ساكن فيه عشان ما أضيع بس شوي شوي كل يوم بخرج في من البيت بشوف وجوه جديدة وبعض الوجوه راح تصير تتكرر في هاي المدينة وراح اصير أعرف معالم رئيسية وراح أصير أعرف بعض الأشخاص " أعرف بياع السوبرماركت ..أعرف الخباز ..أعرف الشخص في المطعم ..أعرف شخص في محطة القطارات .." تدريجياً راح تصير الوجوه مألوفة بالنسبة إلي ومش كلها طبعاً ولكن الوجوه الرئيسية بعض الوجوه الهامة وراح أكون قادر إني أتنقل بين نقطة (أ) و(ب) من البيت إلى الجامعة مثلاً أو من بيتي إلى الشغل وأرجع مثلاً , أصير أقدر أروح إلى الحديقة وأقدر أروح على مدينة مجاورة هون بصير عندي أريحية وثقة أكبر في التنقل داخل هذه المدينة.

مثال لطريقة حفظ كلمات اللغة الانجليزية بسهولة

خلينا نوخذ تشبيه المدينة ونطبقه على تعلم اللغة , لتعلم أي لغة جديدة بالنسبة إلنا مثل الذهاب إلى مدينة جديدة , إنت إذا فتحب القاموس مثلاً أو فتحت كتاب بدك تقرأ هاي اللغة راح تلاقي وجوه كثيرة غير مالوفة بالنسبة إلك لأنه العقل بميز الكلمات على شكل صورة , إنت عقلك بميز الصورة وبحللها كصورة بالضبط مثل ما بحلل وجه الشخص وبميزو , هلأ هذا الشخص مش عارف اسمه مش عارف مين هو نفس الكلمة مش عارف اسمها ومش عارف معناها ومش عارف مين هي وصارت وجه جديد بالنسبة إلك , لكن كلما دخلت أكثر وصرت كل يوم تخرج من بيتك أي أقصد باللغة كلما قرأت أكثر في هاي اللغة مثلاً مقالات متخصصة في هاي اللغة أو قصص بدك تنمي القراءة عندك , لكن إنت مش محتاج تحفظ اللغة كلها والقاموس كله عشان تبلش تقرأ العملية معكوسة.

معظم الناس إلي بعلمونا نحفظ الكلمات بعلمونا انه حفظ الكلمات هو هدف , لازم نحفظ كثير من الكلمات لازم تكون موسوعة بالكلمات , أنا قد أختلف مع وجهة النظر هذه لانه أنا بطبيعتي إنسان عملي بحب أتعلم الأشياء إلي تفيدني في إلها تطبيق سريع بالحياة حتى أقدر أخزنها بالذاكرة طويلة الأمد لأنه الأشياء غلي إنت بطبقها وبتستخدمها بتتخزن عند في عقلك.

الطريقة السحري لحفظ أكبر عدد وقدر ممكن من الكلمات إنك إنت تبدأ من اليوم تقرأ حتى لو ما كان عندك ثقة بنفسك وحتى لو كنت خايف انه تقرأ لأنه النصوص مخيفة ما بتعرف تفهم ولا اشي , ولكن القراءة مش هدفها من أول لحظة إنك تفهم جميع غلي بتقراءه , القراءة بالضبط مثل ذهابك إلى مدينة جديدة حتى تنمي ثقتك بنفسك شوي شوي لما تقرأ راح تبلش بعض الوجوه تتكرر بعض الكلمات تتكرر وبتصير إنت تلاقي روابط ما بين الكلمات , بصير الكلمة لحالو معناها يظهر بالنسبة إلك بدون حتى ما تفتح القاموس لأنك بلشت تنظرلها بسياقها وتشوف كيف استخدامها وكيف واضعينها في الجملة فممكن المعنى بعقلك يطلع بدون ما تستخدم القاموس .

المفيد في هذه الطريقة انه إنت ما بتحفظ الكلمات لمجرد حفظ الكلمات , إنت هون قاعد بتحفظ الكلمات إلي بتشوفها كثير الوجوه التي تتكرر بكثرة أمامك ومعناته هاي كلمات مهمة بالنسبة إلك كلمات مهمة في تخصصك كلمات مهمة في المجال الي إنت اخترته فبالتالي حفظها واستخدامها راح يساعدك إنك إنت تتطور أسرع مش بس حفظ انه احنا نملأ عقولنا , إنت محتاج تكتسب المهارة "مهارة التعلم.." مهارة اكتساب اللغة الي راح تنقلك أبعد وأبعد في مشوارك المهني والشخصي والحياتي.

إذا إنت راح تتعلم وراح تكتسب بالخبرة المعرفة , مش محتاج تحفظ في البداية كل اشي , محتاج بس إنك تقرأ ما تخاف من القراءة وما تخاف إنك إنت مش فاهم ولا اشي , عادي جداً في البداية إنك إنت ما تكون فاهم ولا اشي , أول مرة بتفهم واحد بالمية ثاني مرة بتفهم واحد وربع بالمية ..حتى أقوى المختصين في اللغة مش محتاجين يفهموا مية بالمية .

يا جماعة هاي الطريقة فعالة جداً وطريقة سهلة جداً ولا تتطلب منك جهد إضافي كبير , ولكنها تتطلب منك الإلتزام وإستمرارية يومية أن تقرأ.