القائمة الرئيسية

الصفحات

فن اتخاذ القرار بدون مخاطرة | روائع علم النفس

فن اتخاذ القرار بدون مخاطرة | روائع علم النفس

فن اتخاذ القرار بدون مخاطرة | روائع علم النفس

كلمة واحدة من ثلاثة أحرف بتريحك وبتساعدك تنجح أسرع وهي "جرب" , حاب يكون عندك بيزنس ومشروع خاص "جرب" , حاب يكون عندك هواية جديدة "جرب" جرب هوايات كثير وشوف ايش الي يعجبك , حاب تكون إنسان اجتماعي وتتعرف على ناس أكثر "جرب" روح على أماكن جديدة وجرب إحكي مع ناس جداد وتعرف عليهم ...

إذا ما جربت راح تخسر وإذا جربت ما راح تخسر لانه في النهاية راح تعرف هذا المجال عجبني ولا ما عجبني , أنا لما كنت بدي أدخل في البيزنس جربت مجالات كثيرة لحد ما لقيت الشي الي يناسبني والشي الي أنا مرتاح في وحاب أعملوا , إذا إنت موظف وبدك تترك عملك , قبل ما تستقيل من عملك وتفكر بالإستقالة "جرب" خذلك إجازة أسبوع أو أسبوعين واعمل اشي خاص (سافر , خذ إجازة , اطلع رحلة ..) اعمل "جرب" .

"جرب" هي كلمة السر الي بتحميك من الخطأ لأنه معظم الناس ما بعملوا اشي وما يوخذ القرار وعندو أحلام وطموحات بس واقف في مكانه لأنه خايف إذا بدأ يفشل , بس أنا بحكيلك إنت مش محتاج تخاف لأنه لما تعطي نفسك فرصة تجرب إنت بتوخذ القرار على وعي وبوضوح وعمرك لا توخذ قرار أو تعلق حياتك على قرار واحد مصيري , الحياة أبسط من هيك , لما تنظر إلى الشركات الناجحة مثل شركة سامسونج أو شركة أبل عشر سنوات حتى توصلوا لأحدث التكنولوجية سواء في الأجهزة الذكية أو أجهزة سطح المكتب (ليس بين يوم وليلة) , أنت لما تنظر إلى شخص ناجح إنت بتشوف المنتج النهائي بس إنت ما بتعرف ايش صار في الخلفية السنوات الماضية .

إذا ما بدأت وجربت ما راح توصل , عندك هدف اليوم فكر بهذا الهدف وفكر كيف بقدر "أجرب" بأقل مخاطرة وبأسرع وقت , يمكن يعجبني وإذا عجبني بستمر وإذا ما عجبني على الأقل بكون عرفت وبكون مرتاح اني ما أعملوا بعد هيك , وببحث عن اشي ثاني والأهم "بجرب" .. جرب
كل المحبة والتقدير
هل اعجبك الموضوع :

تعليقات