القائمة الرئيسية

الصفحات

فنون الحب والزواج | أسرار جذب شريك الحياة المناسب

فنون الحب والزواج | أسرار جذب شريك الحياة المناسب

فنون الحب والزواج | أسرار جذب شريك الحياة المناسب

عندما يتعلق الأمر بـ الحب و الزواج و فن اختيار شريك الحياة المثالي و جذب الحبيب إلى حياتك، تختلط الحقائق مع الأوهام وتضيع الحكاية.. في هذه المقالة ستتعرف على أهم معلومة يجب أن تعرفها عن جذب الحبيب واختيار شريك الحياة المثالي.. حقائق مدهشة ستغير حياتك إلى الأفضل مبنية على أساس علمي مجرب. اكتشف أفضل طريقة لـ جذب فتاة أحلامك أو رجل احلامك واستمتع بنعمة التوافق و الحب كما لم تعهدها من قبل.  

يا ترى ما هي أفضل طريقة لجذب شريك الحياة المناسب؟؟

لما نحكي عن موضوع جذب شريك الحياة أو شريكة الحياة المناسبة كثير ناس يقعوا في خطأ , بفكروا انه في تقنيات بتخليني أنا أتحكم بالناس الآخرين والعب بعقولهم وبدي أجذب فلان لـ حياتي .. بدي أجذب فلانة لـ حياتي ..بدي أخلي فلانة تحبني , طبعاً هونة بندخل بموضوع الخزعبلات والأشياء الي ما إلها أساس من الصحة .

إنت ما بتقدر تتحكم بالناس الآخرين , يعني حتى الله سبحانه وتعالى لما سخر لك الكون "سخر لك الكون كـ جمادات ..وسخر لك الناس يساعدوك" لكن إنت لا توجد لديك سلطة على الناس الآخرين , الناس الآخرين غير مسخرين إلك وكأنهم دومى بتحركها .

الطريقة سهلة وبسيطة بدنا نجيب ورقة وقلم وناخذ حالنا لمكان منعزل عن المقاطعات لمدة ربع ساعة ..نص ساعة ..ساعة يعني قد ما بتشوفوا مناسب وبدنا نبلش نكتب ونسأل حالنا السؤوال التالي :

ما هي مواصفات شريك الحياة المثالي أو شريكة الحياة المثالية بالنسبة إلي ؟

وهونة بلش أكتب كل ما يخطر على بالك , أكتب المواصفات (الشكل , الصفات , الملامح , لون العيون , الوجه , لون الشعر , التخصص الدراسي , ..أي شيء يخطر على بالك بالنسبة إلك) لما تحكي شريك حياة مثالي , ماذا يعني بالنسبة لك أو ماذا يعني بالنسبة لكي , أكتب كل شيء لا توفر ولا شيء , يعني ممكن توخذ بهذه الخطوة من التمرين ساعة أو يوم أو أسبوع أو شهر خذوا راحتكم على الآخر المهم تخرجوا بقائمة فيها جميع المواصفات إلي بتحتوي شريك الحياة المناسب بالنسبة إلك , هذه القائمة مهمة بالنسبة إلك وبدنا نحافظ عليها ونستخدمها بطريقتين :

الطريقة الأولى : بدك تسأل نفسك السؤال الأهم (يا ترى شو لازم أنا أكون حتى هذا شريك الحياة الموجود الذي يمتلك هذه الصفات يحبني وينجذب إلي , مين لازم أكون حتى أجذب هذا الشخص ؟؟؟).

الشغل هون علينا إحنا مش على الشخص الآخر مش على شريك الحياة المثالي , يعني بدنا نبلش نفكر إحنا شو لازم نعمل أشياء جديدة في حياتنا وشو لازم نغير وشو في أشياء لازم نبلش نعملها , يعني إذا إنت مثلاً مواصفات شريك الحياة إلي إنت كتبتها كثير مواصفات رياضية وإنت لا بتروح على الجيم ولا بتلعب رياضة ولا إلك أي نشاط رياضي فأكيد صعب إحتمال إنك تلتقي , لأنه إحنا كبشر ننجذب للأشخاص المشابهين لنا في القيم وفي الإهتمامات , إذا إنت بتشوف شريك الحياة أو شريكة حياتك المثالية راضية ورشيقة أو بتلعب رياضة لازم من اليوم تبلش تفكر إنك تلعب رياضة وتسجل بجيم أو تصير تطلع على الأماكن الي ناس بلعبوا فيها رياضة , لو غنتي مثلاً شريك حياتك هو رجل أعمال ومدير شركة الآن بدنا نبلش إنفكر "إحنا كيف بدنا نروح على ايفنتس مثلاً الي بروحوا عليها رجال الأعمال" وبدي اشارك في مؤتمرات وبدي انا اصير قريبة على هذه البيئة.
يعني إحنا بدنا نطور بأنفسنا مهارات ونطور بأنفسنا صفات تجذب هذا الشريك وهذا الشريك يعتبرها صفات جميلة ومتوافقة مع اهتماماته وبنفس الطريقة بدنا نصير حريصين انه نكون متواجدين قدر الإمكان في البيئة التي سيتواجد فيها فارس الأحلام هذا أو أميرة الأحلام هذه , موضوع جذب شريك الحياة الشغل الأكبر منه هو شغل علينا إحنا حتى نرتقي بأنفسنا لدرجة انه هذا الشخص لحالوا يقول هو ده او هي دي.

الطريقة الثانية : بدنا هاي الصفات كل يوم نقرائها ونتأملها ونصير نرسم في الذهن صورة معينة لهذا الشخص أو لهذه الفتاة الي بدها تكون شريكة حياتنا , إتخيلها كل يوم إقراءها قبل ما تنام وأول ما تصحي حتى فعلاً تكون في ذهنك صورة ذهنية قوية لهذا الشخص وتساعد وتساهم في جذب هذا الشريك لـ حياتك , بس مثل ما ذكرت الشغل الأكبر يكون علينا إحنا .

إذاً أصدقائي هذه هي أفضل طريقة لجذب شريك الحياة المناسب واختيار شريك الحياة المثالي وأفضل طريقة لـ جذب فتاة أحلامك أو رجل احلامك  , طبقوها وإذا كانت في عندكم طرق ثانية انتوا جربتوها وزبطت معكم شاركوها معنا في التعليقات .

كل المحبة والتقدير
هل اعجبك الموضوع :

تعليقات