تنزيل لعبة ببجي موبايل PUBG MOBILE على الكمبيوتر او اللاب توب مجانا

5 اسئلة يكرهها الرجال بشدة يجب ألا تسألها النساء نهائياً !!!

هام جداً لكل امرأة و فتاة : اسئلة شائعة ومتكررة لكن يكرهها الرجل بشدة، وقد تؤثر على العلاقة الزوجية أو علاقة الحب بشكل سلبي وضار، لهذا يجب ألا تسألها المرأة نهائياً لـ الزوج أو الحبيب أو شريك الحياة. يا أيها النساء : رفقاً بالرجال .. و يا أيها الرجال : يمكنكم أن تشكروني لاحقاً هههه..

السؤال الأول : يا ترى حاسس اشي متغير...؟ مش ملاحظ اشي مختلف...؟

بتكون هذه المرأة يمكن تقصد شيء من شعرها أو شكلها أو في البيت , ولكن هذا السؤال بحد ذاته يضع الرجل في موقف محرج , يعني أنا عندما ذكرت في البداية هذه الأسئلة يكرهها الرجال ليست بسوء نية ولكن في أحيان كثيرة الرجال يحتاروا وما في جواب عندما ينسالوا هذا السؤال , وفي اختلافات عزيزتي المراة بين عقل وتفكير المرأة وبين عقل وتفكير الرجل مهم جداً نفهم هذه الإختلافات حتى نكون إحنا قادرين نتواصل بلغة سليمة ونفهم لغة بعض , عندما تسألي زوجك (مش ملاحظ اشي مختلف) من هنا يبدأ الرجل بطريقة سريعة يفكر ويفكر ويخرج بأي جواب لكي لا تزعلي ولكي ما يخيب أملك , ويبدأ يحزر يمين وشمال مرات بتزبط معه ومرات ما بتزبط معه وحتى أقربلك الصورة أكثر ماذا يعمل هذا السؤال في عقل الرجل , دعنا نتخيل الموقف التالي ونعكس الأدوار هنا الرجل هو الذي يسأل هذا السؤال.

المنطق في هذا السؤال حتى تكوني مرتاحة ويرتاح شريك حياتك أن تتعاملي بشكل مباشر , يعني بدل ما تروحي عليه وتقولي له حبيبي مش ملاحظ اشي مختلف قولي له "ما رأيك بتسريحة شعري الجديدة ... ؟ ما رأيك بالترتيب الجديد ...؟ فأنتي كوني مبادرة وقولي له حتى تسهلي عليه وما تضعيه بموقف محرج .

السؤال الثاني : حبيبي أنا زايد وزني (نصحانة) شي ..؟

طبعاً عزيزتي المرأة هذا السؤال اعتبري من المحرمات عندما تتعاملي مع شريك حياتك , إذا حابة تعرفي وزنك روحي اطلعي على الميزان واعرفي وزنك بعطيكي الرقم الدقيق والوزن الحقيقي , هذا السؤال هو أيضاً من الأسئلة التي توقع الرجل (شريك الحياة) بالفخ لانه بجميع الحالات راح يحكيلك لا حبيبتي انتي مش نصحانة أو مش سمنانة , يعني ما أحلا وهو مجاوب على هذا السؤال " اه والله حبيبتي ما شاء الله عليكي زايد وزنك الضعف آخر أسبوعين نصحانة ويخزي العين عنك ".

تذكري دائماً عزيزتي المرأة لما بدك تطلبي رأي شريك حياتك بشغلة لازم تكوني إنتي مستعدة للإجابتين يا (اه أو لا) , يعني مستعدة لتقبل الإجابة مهما كانت وإلا بكون طلبك للرأي هو خدعة إنتي ما بدك رأيه إنتي بدك يمدحك أو يعطيكي إطراء , وفي حالات معينة ممكن هو يعطي رأيه الحقيقي مثلاً بفستانك أو بتسريحة شعرك وما عجبه الفستان أو التسريحة وما جاملك بالمرحلة هاي هون ممكن يصير مشاكل بالبيت , فأكيد مثل هيك سؤال يعتبر فخ وليس سؤال.    

السؤال الثالث : "حبيبي شو قاعد بتفكر..؟"

في كثير من الأحيان بتكون قاعد في البيت في غرفتك مثلاً أو صافن ومش بتفكر باشي عظيم وممكن ما بتفكر بإشي حتى في بعض الناس بسميها "منطقة اللأشيء (صندوق)" موجودة في عقل الرجل , فهو إذا دخل هذا الصندوق ما بفكر ولا بشي (صافن) , هذا الشيء صعب على المرأة إنها تفهموا لانه مثل ما ذكرت طبيعة تفكير المرأة مختلفة وهي بتفكر بسرعة وبكثافة , من هون إذا قلك "لا حبيبتي ما بفكر ولا بشي" هون راح يأتي سؤال ثاني قنبلة أقوى من هذا السؤال "انت مبطل تحبني ..؟ إنت مبطل تهتم فيي..؟" طيب اعطي فرصة انه يصفن اعطي فرصة يفكر , تأكدي لو أن شريك حياتك بدو يشارك أفكاره معك كان حكالك أو كان طرح عليكي الموضوع فإنتي دايماً قدمي حُسن النية وما تحاولي تلجأي لهذه الأسئلة .

السؤال الرابع : شو رأيك بـ فلانة ..؟

لما تسألي شريك حياتك هذا السؤال تخيلي إذا حكالك اه ما شاء الله عليها جميلة جداً وملكة جمال هونة راح يصير دمار شامل , مثل هاي الأسئلة طبيعي يهرب بأي طريقة ممكنة لأنه إنتي دخلتي حدا ثاني تعملي مقارنة بينك وبين حدا آخر , على الأغلب راح يمدحك إنتي وراح يقلك ما إنتبه إلها مثلاً أو مش عارف عم مين بتحكي إنتي مين قصدك , بس ليش تحطي حالك بالمقارنات طالما إنتي واثقة من نفسك واثقة من علاقتكم ما بصير نحط أنفسنا في دوامات ومقارنات مع الناس الأخرين , وأيضاً هذا يعتبر مش سؤال يعتبر فخ.

السؤال الخامس : "حبيبي اشتقتلي..؟"

يعني اتخيلي انه كانت إجابته "لا والله حبيبتي اليوم كنت كثير مشغول.." وما اشتقتلك , تلقى على راسك يا مسكين راح تقوم الدنيا وما تقعد , هذا أيضاً يعتبر فخ مش سؤال لأنه الإجابة اللي بترضيكي هي إجابة واحدة فقط "اه والله اشتقتلك .. وبقدرش أعيش من دونك ..واليوم من دونك .." لا احنا ليش نكون عالة على بعض في العلاقة ما بصح احنا نكون عالة عاطفية على وهون بتبلش العلاقة تصير مرهقة مع مرور الومن وتحدث المشاكل .

لما كل شخص في العلاقة يكون مستقل بذاته يكون عنده أصدقائه يكون عنده حياته يكون عنده مهارات معينة وهوايات بمارسها بنحب بعض أكثر لما نلتقي مع بعض لما نطلع مع بعض ولما نعمل أشياء مشتركة مع بعض , وهذا التفاهم بنعكس على كل جوانب الحياة وبنعكس على الأطفال وبكون الأطفال أكثر سعادة وأكثر اتزان عاطفي لما يكون الـ بابا والـ ماما الإثنين متزين عاطفياً .

رسالة هذه المقالة أكيد هي الوعي , قبل ما نحكي أي شي أو قبل ما نسأل أي شي نكون جاهزين , يعني ما نطرح السؤال إلا نكون إحنا مستعدين لتقبل الإجابة أياً كانت وإلا بكون سؤالنا فخ بدنا نوقع في الطرف الآخر .

إذا كانت هذه الأسئلة الخمسة المحرمة في علاقة الحب والزواج مش لازم المرأة تسألها للرجل لأنه هذا يؤثر على الحب ويدمر العلاقة ما بينهم.