القائمة الرئيسية

الصفحات

كيف تنظم وقتك للدراسة والعمل

كيف تنظم وقتك للدراسة والعمل

كيف تنظم وقتك للدراسة والعمل    

إن كنت تبحث عن كيفية تنظيم الوقت للدراسة أو العمل فهذه المقالة بالتأكيد لك ! اكتشف مع خالد سليمان اقوى 5 نصائح لتنظيم الوقت ستجعلك من المحترفين     , وهي من الموضوعات في غاية الأهمية وتهم الكثير الكثير منكم , ومن أهم النصائح لتنظيم الوقت :

النصيحة الأولى : لا تركز على تنظيم الوقت في البداية ولكن ركز على تنظيم المهام

أحياناً كثيرة إحنا بنفكر إذا قدرنا نظم وقتنا بالثانية وإذا أجا خبير عالمي هيك وضعنا جدول مرتب راح تتحسن حياتنا وراح نصير أسعد , ولكن الواقع غير هيك والي جرب يحط جدول للدراسة أو جدول للعمل بلاقي حالوا انه بلتزم في بأول يوم يومين أو أسبوع أسبوعين بعدين برجع للعادات القديمة وبرجع للأشياء الي كان متعود عليها , المهم في البداية إنك ما تركز على تنظيم الوقت ولكن ركز على تنظيم وإدارة المهام , اعرف أولوياتك والمهام المطلوبة منك حتى تزيد إنجازك وإنتاجيتك في نفس الوقت أو في وقت أقل .

النصيحة الثانية : استخدم الورقة والقلم

 كثير مغري في عصرنا الحالي انه إحنا ننزل تطبيقات في الموبايل حتى نكتب فيها المهام وبنحط المواعيد تبعتنا وبنستخدم التقويم الموجودة بالموبايل , جميع هاي الأشياء جميلة لو إنت متعود عليها أو لو إنت قادر تستخدمها بالشكل الصحيح ولكن لكثير من الناس الجوال أو الموبايل هو مصدر من مصادر التشتيت الكبير فمجرد إنت ما مسكت الموبايل حتى تكتب المهام بتلاقي نفسك انجرفت في السوشيال ميديا والرسائل والواتس آب والفيس بوك وغيرها من الأشياء , فبالتالي مهم إحنا في البداية أو حتى على طول تعود نفسك انه حتى لو إنت بتستخدم أشياء تطبيقات إلكترونية ولكن دائماً الأساس تبعنا يكون الورقة والقلم , ما تتخيل هذا الموضوع قديش بعطيك دفعة معنوية للأمام وأنا شخصياً لغاية اللحظة دائما ً بستخدم الورقة والقلم وبكتب مهامي على الورقة في البداية وممكن بعدين بضعها في تطبيق من تطبيقات الموبايل للتسهيل حتى تكون معي في الموبايل , ولكن الأساس بالنسبة الي هو الورقة والقلم , عشان هيك هذا الموضع بحس كثير بعطيني إنتعاش لما إنت تكتب بايدك غير الشعور .

النصيحة الثالثة : أكتب الأشياء الي بدك تعملها باليوم الي قبله

 مثلاً قبل ما تنام جيب ورقة وقلم وفكر يا ترى أنا بكرة " شو حاب أعمل .., شو لازم أنجز ..شو أهم ثلاثة أشياء لازم تنجز في الغد لازم تنعمل لازم اسلمها ..لازم أشتريها ..لازم أبعتها .." أكتب الأشياء المطلوبة منك في اليوم التالي , ما تتخيل لما تصحى في اليوم التالي وانت عارف شو راح تعمل في هذا اليوم مكتوب عندك شو هي الأولويات عندك والأشياء الأساسية في هذا اليوم , هذا بعطيك دفعة معنوية ودفعة طاقية قوية جداً في الصباح انه إنت مستيقظ اليوم مبسوط عارف شو راح تعمل وما في تشتيت.

النصيحة الرابع : ابداء بالمهام الأصعب أولاً

 إحنا شو بنروح نعمل لما يكون عنا مجموعة من المهام في العادة , بنبلش بالأشياء السهلة !! .. طيب تمام , لما تبلش إنت بالأشياء السهلة وتخلص الأشياء السهلة الآن استنزفت شوي من طاقتك بتحس حالك تعبت شوي وبتصير الأشياء الأصعب بالنسبة إلك مخيفة أكثر ولكن لو بلشت بالأشياء الأصعب أولاً المهام الكبيرة " المهام الي بدها وقت وتركيز كبير في الصباح أو في بداية يومك " مجرد ما خلصتها هذا بعطيك دفعة معنوية جميلة جداً وهذا بعطيك شعور بالإنجاز وإنت فكر فيها بالطريقة هاي , " إذا بدأت بالمهام السهلة .. الصعبة ستبدو أصعب , ولكن إذا إنت بدأت بالمهام الصعبة .. السهلة ستبدو أسهل " وهيك إنت بتصير أسرع في الإنجاز.

النصيحة الخامسة : كافىء نفسك دائماً على الإنجاز

 من الجميل إذا إحنا بدنا ندخل عادة جديدة لحياتنا وإدارة المهام وإدارة الوقت هي من العادات المهمة جداً والي إنت محتاج تدخلها بشكل واعي واستراتيجي بحياتك , فمن الجميل مثلاً إنت كل أسبوع على سبيل المثال أعطي نفسك مكافأة " يعني اشتري لنفسك اشي بتحبو .. اطلع هيك رحلة بسيطة.." يعني ممكن المكافآت تكون أشياء بسيطة جداً ولكنها تسعد قلوبنا وتحفز عقولنا للإنجازات التي تليها.

هل اعجبك الموضوع :

تعليقات