القائمة الرئيسية

الصفحات

التنمية البشرية | لماذا نفشل في الحياة ؟؟

التنمية البشرية | لماذا نفشل في الحياة ؟؟

التنمية البشرية | لماذا نفشل في الحياة ؟؟

في هذه المقالة ستكتشف لماذا نفشل في الحياة وما هي أسرع طريقة للفشل... راح أتحدث عن أسرع وأسهل طريقة للفشل ..نعم

السبب الرئيسي الي بخلي معظم الناس ما يقدروا يحققوا أهدافهم أو ما يوصلوا للطموحات والأشياء الي حابينها في الحياة , لأنه إذا بتسأل الناس عادةً ماذا من هذه الحياة ؟ قلة الي راج يجاوبك على هذا السؤال ..أنا بدي كذا وكذا , بمعنى انه الناس الي عندهم وضوح الأهداف وضوح الرؤية ناس قلائل جداً في هذا العالم , والأقل من هيك الناس الي عندهم فعلياً تركيز على الأشياء الي بدهم اياها.

خليني أشرحلك كيف , إذا الآن اخترت أي شخص عشوائي في هذا العالم وسألته "إنت شو أهدافك أو إنت شو بدك في الحياة" راح تلاقي انه الناس الي بجاوبوك همة قلة , لكن من القلة الي بجاوبوا راح تلاقي في نسبة كبيرة بحكيلك وببلش يسردلك الأشياء الي ما بدو اياها , بمعنى "شو بدك..أنا ما بدي أكون فقير..ما بدي اكون تعبان..ما بدي أكون مريض..ما بدي أكون موظف..ما بدي..ما بدي.." الناس خبراء وعارفين بدقة همة شو ما بدهم, لكن إذا أجيت سألته "طيب إنت شو بدك .." راح يتردد وما راح يعرف وقلة الي راح يعرفوا بالتحديد وبوضوح تام .

 لـ هيك وقانون الجذب بكل بساطة ينص على انه "الشبيه ينجذب لـ مثله" فبالتالي حتى لو إنت ما بدك هذا الشي وتفكيرك انه "أنا ما بدي ..ما بدي.." مجرد إنك إنت بتفكر في راح تجلبوا لـ حياتك , إذا بتفكر انه إنت ما بدك "فقر" راح تجلبوا لـ حياتك أو ما بدك "مرض" راح تجلبوا لـ حياتك , لذلك أسرع وأسهل طريقة للفشل هي إنك تركز على ما لا تريد وبتكون أسرع طريقة للنجاح إنك تركز على ما تريد.
الموضوع في الحكي سهل لكن تطبيقه ليس بالسهولة , لأنك تعودت فترة طويلة وتبرمجنا خلال سنوات عمرنا من المجتمع ومن العالم المحيط فينا انه إحنا نركز على الأشياء الي إحنا ما بدنا اياها , نركز على الندرة ونركز على المشاكل وبتصفي حياتنا إدارة أزمات وتجنب مشكلات , بالتالي إنت محتاج فترة حتى تدرب نفسك على التركيز على ما لا تريد ولكن الموضوع لو أخذته بجدية ودربت حالك عليه راح تذهلك النتائج لأن تركيزك على ما تريد راح يوصلك بشكل سريع لهذه الأشياء وراح يسرع الجذب في حياتك , جذب الأشياء الايجابية الي إنت بدك اياها , 

وبالتالي كثير ناس واقعين في مشاكل وحياتهم عبارة عن مشكلة ورا مشكلة ورا مشكلة ورا مشكلة , هل هو يطبق قوانين الجذب في الجانب السلبي يعني ما أتوقع انه حدا يقعد يتخيل حالوا في المشاكل ويجذب المشاكل لـ حياته عن قصد لكن هي تحدث تلقائياً لأنه قوانين الكون هي أتوماتيكية .

بالتالي لما إنت تدرب نفسك تمني وإرادة ما تريد راح تفعل التلقائية في الكون لنفسك , وبالتالي بتكون العوالم جميعها متاحة إنك إنت تختار ما تريد وتحقق في حياتك أي شي بتطمح له وبدك اياه , جربها الأسبوع القادم وخلي الأسبوع هذا هو أسبوع الإرادة الحقيقية أسبوع أن تريد ما تريد , عبارة يمكن بتضحك شوي لكنها تحمل في طياتها حقيقة عظيمة جداً لو أدركتها راح توصل للنجاح الي بتطمح له في حياتك .
هل اعجبك الموضوع :

تعليقات